भारताचा अणुऊर्जा क्षेत्रात ऐतिहासिक टप्पा: कल्पक्कममधील 'स्वदेशी' अणुभट्टी कार्यान्वित

भारतीय वैज्ञानिकांनी आज अणुऊर्जा क्षेत्रात एक नवा इतिहास रचला आहे. तामिळनाडूतील कल्पक्कम येथे पूर्णपणे स्वदेशी बनावटीच्या अणुभट्टीनं (Nuclear Reactor) 'क्रिटिकॅलिटी' प्राप्त केली आहे, म्हणजेच ही अणुभट्टी आता वीज निर्मितीसाठी सज्ज झाली आहे. भारताच्या तीन-स्तरीय अणुऊर्जा कार्यक्रमातील हा एक अत्यंत महत्त्वाचा टप्पा मानला जात आहे. या यशामुळे भारताची ऊर्जा स्वावलंबनाकडे मोठी झेप पडली असून, जागतिक स्तरावर भारताच्या तांत्रिक क्षमतेचा गौरव होत आहे. या अणुभट्टीचे वैशिष्ट्य म्हणजे यामध्ये वापरण्यात आलेले तंत्रज्ञान पूर्णपणे भारतीय वैज्ञानिकांनी विकसित केले आहे, ज्यावर सुरुवातीला अनेक आंतरराष्ट्रीय तज्ज्ञांनी शंका व्यक्त केली होती. 

हे ही वाचा

मुंगेरमध्ये दोन मुलांच्या आईचे प्रियकरासोबत पलायन; व्हिडिओ शेअर करत पतीला दिली ताकीद

पंतप्रधान मोदींनी या यशाबद्दल वैज्ञानिकांचे अभिनंदन करताना म्हटले आहे की, "हे आत्मनिर्भर भारताचे ज्वलंत उदाहरण आहे." आगामी काळात अशा प्रकारच्या अधिक अणुभट्ट्या उभारून देशाला प्रदूषणमुक्त आणि स्वस्त वीज पुरवठा करण्याचे उद्दिष्ट सरकारने ठेवले आहे. यामुळे भारताची जीवाश्म इंधनावरील अवलंबित्व कमी होण्यास मदत होणार आहे.