आयपीएल २०२६ च्या हंगामापूर्वी क्रिकेट वर्तुळातून एक मोठी बातमी समोर आली आहे. सनरायझर्स हैदराबाद संघाने आपला स्टार यष्टीरक्षक फलंदाज इशान किशन याच्याकडे नेतृत्वाची धुरा सोपवली आहे. ऑस्ट्रेलियाचा वेगवान गोलंदाज पॅट कमिन्स सुरुवातीच्या काही सामन्यांना मुकणार असल्याने संघ व्यवस्थापनाने हा मोठा बदल करण्याचा निर्णय घेतला आहे. इशानसोबतच युवा फलंदाज अभिषेक शर्मा याला उपकर्णधारपदाची जबाबदारी देण्यात आली असून, या नव्या जोडीवर संघाची मोठी मदार असेल. आयपीएलच्या या मोसमात भारतीय तरुण खेळाडूंकडे नेतृत्व सोपवण्याच्या निर्णयाचे क्रीडा तज्ज्ञांकडून स्वागत केले जात आहे. हैदराबादचा हा नवा 'कॅप्टन कूल' मैदानावर काय जादू करतो, याकडे सर्वांचे लक्ष लागले आहे.
0 Comments