भारतीय लष्कर आता आक्रमक भूमिकेत, लष्कर प्रमुखांचा मोठा इशारा

भारतीय लष्कर आता केवळ बचावात्मक नव्हे तर 'प्रोअॅक्टिव्ह डिटरन्स' म्हणजेच आक्रमक प्रतिबंधात्मक धोरण अवलंबणार असल्याचे लष्कर प्रमुख जनरल उपेंद्र द्विवेदी यांनी स्पष्ट केले आहे. 'ऑपरेशन सिंदूर' मधून मिळालेल्या धड्यांनुसार सीमा सुरक्षेसाठी लष्कर आता शत्रुला वेळीच रोखण्यासाठी सज्ज झाले आहे. तंत्रज्ञानाचा वापर आणि संघटनात्मक चपळता यावर भर देऊन भविष्यातील आव्हानांना तोंड देण्यासाठी भारतीय लष्कर पूर्णपणे सज्ज असल्याचे त्यांनी सांगितले. हे नवे धोरण भारताच्या राष्ट्रीय सुरक्षा धोरणातील एक महत्त्वाचा बदल मानला जात असून यामुळे सीमेवरील घुसखोरीला आळा बसेल. लष्कर प्रमुखांच्या या विधानामुळे देशाच्या संरक्षण क्षेत्रातील आत्मविश्वास वाढला असून शत्रू राष्ट्रांना स्पष्ट संकेत मिळाले आहेत.